புதிய கல்வித் தகவல்: எஸ்.எஸ்.எல்.சி., ஓ.எஸ்.எல்.சி. சிறப்பு துணைத் தேர்வு ஜூன் 30 தொடக்கம்

எஸ்.எஸ்.எல்.சி., ஓ.எஸ்.எல்.சி. சிறப்பு துணைத் தேர்வு ஜூன் 30 தொடக்கம்

மதுரை, ஜூன் 25: இந்த ஆண்டு மார்ச் மாதம் மற்றும் அதற்கு முந்தைய ஆண்டுகளில் எஸ்.எஸ்.எல்.சி., ஓ.எஸ்.எல்.சி. தேர்வு எழுதி ஒன்று முதல் மூன்று பாடங்கள் வரை தோல்வியுற்றவர்களுக்கு சிறப்புத் துணைத் தேர்வு 30-6-2010-ல் தொடங்கி 9-7-2010 வரை நடைபெறுகிறது.
தேர்வுக்கு விண்ணப்பித்துள்ள அனைத்து தனித்தேர்வர்களுக்கும் அனுமதிச்சீட்டு ஜூன் 28, ஜூன் 29 ஆகிய தேதிகளில் விநியோகம் செய்யப்படும். இந்த ஆண்டு மார்ச்சில் தேர்வு எழுதி தோல்வி அடைந்த மாணவர்கள் தாங்கள் பயின்ற பள்ளியிலேயே அனுமதிச்சீட்டைப் பெற்றுக்கொள்ளலாம்.
தனித்தேர்வர்களாக விண்ணப்பித்துள்ள பரமக்குடி கல்வி மாவட்டத்தைச் சேர்ந்தவர்களுக்கு பரமக்குடி கே.ஜே.இ.எம். மேல்நிலைப் பள்ளியிலும், ராமநாதபுரம் கல்வி மாவட்டத்தைச் சேர்ந்தவர்களுக்கு ராமநாதபுரம் சுவார்ட்ஸ் மெட்ரிக் மேல்நிலைப் பள்ளியிலும், தேவக்கோட்டை கல்வி மாவட்டத்தைச் சேர்ந்தவர்களுக்கு தேவகோட்டை புனிதமரியன்னை பெண்கள் மேல்நிலைப் பள்ளியிலும், சிவகங்கை கல்வி மாவட்டத்தைச் சேர்ந்தவர்களுக்கு சிவகங்கை மன்னர் மேல்நிலைப் பள்ளியிலும் அனுமதிச்சீட்டு வழங்கப்படும்.
அருப்புக்கோட்டை கல்வி மாவட்டத்தைச் சேர்ந்தவர்களுக்கு அருப்புக்கோட்டை தேவாங்கர் மேல்நிலைப் பள்ளியிலும், விருதுநகர் கல்வி மாவட்டத்தில் விருதுநகர், சிவகாசி பகுதியைச் சேர்ந்தவர்களுக்கு விருதுநகர் எஸ்.எஸ்.எஸ்.என். அரசு மேல்நிலைப் பள்ளியிலும், ராஜபாளையம், ஸ்ரீவில்லிப்புத்தூர் பகுதியைச் சேர்ந்தவர்களுக்கு ராஜபாளையும் என்.ஏ.ஏ.ஆர்.எம். மேல்நிலைப் பள்ளியிலும் உத்தமபாளையம் கல்வி மாவட்டத்தைச் சேர்ந்தவர்களுக்கு உத்தமபாளையம் முகமது பாத்திமா பெண்கள் உயர்நிலைப் பள்ளியிலும், பெரியகுளம் கல்வி மாவட்டத்தைச் சேர்ந்தவர்களுக்கு, தேனி நாடார் சரஸ்வதி பெண்கள் மேல்நிலைப் பள்ளியிலும் அனுமதிச்சீட்டு வழங்கப்படும்.
உசிலம்பட்டி கல்வி மாவட்டத்தைச் சேர்ந்தவர்களுக்கு திருமங்கலம், சி.எஸ்.ஐ. உயர்நிலைப் பள்ளியிலும், மேலூர் கல்வி மாவட்டத்தில் மேலூர் பகுதியைச் சேர்ந்தவர்களுக்கு மேலூர் அரசு ஆண்கள் மேல்நிலைப் பள்ளியிலும், மதுரை மாநகராட்சிப் பகுதியைச் சேர்ந்தவர்களுக்கு மதுரை ஓ.பி.சி.எம். பெண்கள் மேல்நிலைப் பள்ளியிலும், மதுரை கல்வி மாவட்டத்தைச் சேர்ந்தவர்களுக்கு மதுரை, மதுரைக் கல்லூரி மேல்நிலைப் பள்ளியிலும் அனுமதிச்சீட்டு வழங்கப்படும். பழனி கல்வி மாவட்டத்தைச் சேர்ந்தவர்களுக்கு ஆயக்குடி ஐ.டி.ஓ. மேல்நிலைப் பள்ளியிலும், திண்டுக்கல் கல்வி மாவட்டத்தைச் சேர்ந்தவர்களுக்கு திண்டுக்கல் எம்.எஸ்.பி.எஸ்.என். நினைவு மேல்நிலைப் பள்ளியிலும் அனுமதிச்சீட்டு வழங்கப்படும். தேர்வு எழுதுவோர் நேரில் சென்று இந்த மையங்களில் அனுமதிச்சீட்டைப் பெற்றுக்கொள்ள வேண்டும்.
அனுமதிச்சீட்டு கிடைக்கப் பெறாதவர்கள் தாங்கள் உரிய காலத்துக்குள் கட்டணம் செலுத்தி விண்ணப்பித்தமைக்கான ஆதாரங்களுடன் மதுரை, அரசுத் தேர்வுகள் மண்டலத் துணை இயக்குநரை நேரில் சந்திக்க வேண்டும்.
தேர்வு எழுதுவோர் முதல் நாளன்று வீட்டு முகவரி எழுதப்பட்ட ரூ.30 அஞ்சல்தலை ஒட்டப்பட்ட உறையை தேர்வு மைய முதன்மைக் கண்காணிப்பாளரிடம் ஒப்படைக்க வேண்டும் என்று அரசுத் தேர்வுகள் மண்டலத் துணை இயக்குநர் மரு. பழனிச்சாமி செய்திக் குறிப்பில் தெரிவித்துள்ளார்.

10:50 PM | |

புதிய கல்வித் தகவல்

Followers

Blog Archive

About us

எஸ்.எஸ்.எல்.சி., ஓ.எஸ்.எல்.சி. சிறப்பு துணைத் தேர்வு ஜூன் 30 தொடக்கம்

0 comments: